Kapampangan: Who is Killing Our Language?!? (Part 2)

Ing manimúna kareng Kapampángan dápat túne yang Kapampángan! Dápot menibat kng ibat, ing Amánung Sísuan ampóng ing Kabiasnan Kapampángan asneng kaláut kng pamálak at pamigúnam ding mangaklak a buntúk a manungkúlan. Ing makapagmalún, maralas déning kekatámung lulukluk a manungkúlan íla pang mismung makamate kng Amánung Sísuan at Kultúrang Kapampangan.  Mangga man ngéni, ing Amanung Sisuan aliuâ ya ing Amánung Basál ning mismung Provincia at ding sibabalén Kapampángan. 

Streamer with a picture of a fat politician

Nínung pamaglókuan na? Pasiknángan nó mó kanu lúb ding Kapampangan kng amanung tagalóg? Ót é né mû mag-artista? (A picture of a misguided Kapampangan politician trying to encourage fellow Kapampangans in the Tagalog language. He should just find a career in acting rather than remain in politics.)

Dápat ding kekatámung manungkúlan keti Kapampángan íla ring manimúnang sesése at gágambul kng kekatámungkultúra. Dápat ding kekatámung manungkúlan keti Kapampángan íla ring sisînup kng kekatámung singsing. Dápat ding kekatámung manungkúlan keti Kapampángan íla ring kátiuálâ ning Aláya. Dápat ding kekatámung manungkúlan keti Kapampángan túne la ping Kapampángan a lúlugud kng karélang panga-Kapampángan. Nung aliuâ ilang manimúna sasála la kng karélang gampâ at katungkúlan. Nung sinálâ la dapat lang miparúsan. Nung aliuâ ilang manimúna lininlang dakatámung Kapampangan. Nung aliuâ íla ring manimúna alâ lang kuenta!

Tagatagalug

E caya insultu caring tau Baculud, ing Siduan ding Uatas at Macudta ning Indung Kapampangan, ing pugayan mu ya ing balayan da qng amanung tagalug? (Isn't it an insult for the people of Bacolor, the Kapampangan literary capital, to hail their town in the Tagalog language?)

Posted on: January 25,2010 03:28 AM  |  comments ( 3 )  |  » read more

Kapampangan: Who is Killing Our Language?!? (Part 1)

Kng metung a kasal nabengi, atupan kong mipag-istoria reng limang anak a maki-edad pitu ampong ualung banua. Mipanagalug la. Kitang ku nung biasa lang Kapampangan. Tambing yang mekibat ing metung kng Tagalug "Ayaw ko. Tagalog na ako" (I don't want to. I am now Tagalog.). Mengapamulala ku. Anti ra ku uaring timpaling kng kamatutuan na ning pamaglau ning Amanung Sisuan at ning Bangsang Kapampangan.
The Kapampangan Language is currently moribund since most Kapampangan parents now speak to their children only in the dominant language Tagalog. Experts say that in 20 years time, the Kapampangan language will cease to exist.


Sadia ing pibalebale ya na mu kabud ing pekasantungan ning Amanung Sisuan pauli ning babaual de iti kareng escuela ampo' kng obra. Dapot ngeni pilalung kng kilub ning bale deyu da ne mu rin deng mismung pengari.

Kapampangan ya ing ima. Kapampangan ya ing tatang. Obat Tagalug la reng anak? Nanung kabugukan ini? Reng pengaring Kapampangan a panagalugan do reng anak da lilu la't sukaban kng Bangsang Kapampangan! 

Posted on: January 25,2010 03:31 AM  |  comments ( 0 )  |  » read more

Showing 1 to 2 of 2